Transporti publik rinis në 15 Qershor, Memaj: Nuk do të dalim nëse nuk do të na plotësohen kushtet tona

Shoferët dhe përfaqësuesit e 10 shoqatave të transportit publik dhe ndërqytetas janë duke organizuar një protestë përpara Ministrisë së Kulturës, pas vendimit të qeverisë shqiptare që puna e tyre të fillojë nga data 15 Qershor.

Përfaqësuesit e këtyre shoqatave thotë se kanë shumë shqetësime me rinisjen e punës, që do të fillojë me kushte shtesë për ta, duke nisur që nga kapacitetet me 70% që do të lëvizin të gjitha mjetet.

Ata thonë se mbetet e paqartë se kush do ti paguajë kostot e tyre shtesë, pa harruar faktin që këto tre muaj kanë qendruar pa punë dhe kanë përfituar vetëm pagën e luftës, për të cilën thonë se është e pamjaftueshme.

Dashnor Memaj, nga Shoqata e Transportit Urban dhe Interurban Veri, gjatë një intrevistë për Fax News, deklaroi se ato nuk do të rinisin punën të hënën, nëse qeveria nuk plotëson kërkesat e tyre.

“I kemi dërguar kërkesat tona. Dje në ditë pushimi dhe as nuk jemi lajmëruar fare. Ne prej kohësh kërkojmë që të fillojmë punën. Ne na intereson që Ministria e Infrastrukturës të ketë një paketë të mirfilltë për transportin rrugor.

Kërkuam heqjen e akcizës për blerjen e naftës pasi është me një çmim shumë të lartë. Ne kemi qenë gati të fillojmë që me datë 1 qershor. Ne nuk jemi të qartë sesi do të funksionojë. Po na shtojnë disa kosto të shtuara dhe duam të dimë nëse ne ofrojmë me 70%, duam të dimë çfarë do të na ofrojë shtetit ne.

Nëse ne nuk na plotësohen kërkesat, që janë 6 të tilla ne nuk do të dalim. Ne nuk duam ta rrisim biletën për qytetarët, por ne kërkojmë ndihmë nga shteti, plotësimin e këtyre pikave siç është ulja e TVSH-së.”- tha Mema.