Tre shqiptarë arratisen nga burgu në Itali. Kapen dy prej tyre

Tre shqiptarë, që vuanin dënimin në një burg të Italisë janë arratisur herët në mëngjesin e një dite më parë.

Ata kanë prerë hekurat e qelisë në burgun e Trevisos dhe më pas kanë përdorur çarçafë për të zbritur poshtë.

Ngjarja ka ndodhur rreth orës 05:00 të së enjtes, sipas Gennarino De Fazio, Sekretar i Përgjithshëm i Policisë së Burgjeve Uilpa.

Dy nga të arratisurit janë kapur menjëherë, ndërkohë që në arrati është 27-vjeçari Edison Pula, i dënuar për tentativë vrasjeje, grabitje, mbajtje eksplozivi dhe vepra të tjera të trafikut të drogës, të gjitha të kryera jashtë Italisë.