Tregtonin armë e drogë nga Shqipëria në Itali, goditet grupi kriminal, 20 në pranga

Autoritetet italiane kanë arrestuar 20 persona mëngjesin e kësaj të enjte. Mediat fqinje raportojnë se të arrestuarit dyshohen të jenë të përfshirë në trafikun e armëve dhe drogës nga Shqipëria në drejtim të Italisë.

Ta ndaluarit janë të gjithë rezidentë në zonën e Barit, ndërsa autoritetet vijojnë kontrolle të imtësishme për të ekzekutuar bllokimin e aseteve të këtij grupi, i cili konsiderohet me rrezikshmëri të lartë shoqërore. Mediat fqinje raportojnë se përgjatë 24 muajve janë sekuestruar tonelata marijuanë, pistoleta dhe automatikë.