Tregu plot por s’ka kush ti blejë

Ky funddhjetori e gjen thuajse bosh tregun e fruta perimeve në Kukës.

Çmimet nuk janë rritur por qytetarët thonë se nuk kanë të ardhura për të bërë blerje.

“Nuk ka lekë sepse nuk janë rritur pagat as pensionet”

Më pak e pasur me ushqime do të jetë tryeza e Vitit të Ri për pensionistët. Ata thonë se pensioni dhe shpërblimi janë të pamjaftueshëm.

Pa blerje nuk ka as shitje. Tregëtarët ngrejnë shqetësimin se fuqia blerëse çdo vit po shënon ulje.

Nga veriu në jug problematika paraqitet e njejtë.

Në Sarandë shitësit tregojnë se nuk i kanë rritur çmimet por konsumatorët qëndrojnë larg tezgave të tyre.

Një nga arsyet e mosfrekuentimit të këtij tregu në Sarandë është edhe mungesa e kushteve higjeno-sanitare. Prej vitesh drejtues të Bashkisë kanë premtuar një treg të ri por ende asgjë nuk ka ndryshuar.