Tritol lokalit të kryetarit të KZAZ-së së Krujës
Shpërthimi i radhës me tritol trondit Fushë-Krujën. Ngjarja ka ndodhur në orët e vona të së mërkurës në në lagjen “Partizani” të qytetit.
Sipas Policisë sasia e eksplozivit ka shpërthyer në lokalin “7 yjet”, i cili është në pronësi të shtetasit Kurt Qira.
Mësohet se Qira mban detyrën e nënkryetarit të komunës së Thumanës, por që është edhe kryetari i PD-së në KZAZ-në e Krujës.
Efektivat e Komisariatit Krujë kanë shkuar në vendin e ngjarjes .Si pasojë e këtij shpërthimi janë shkaktuar dëmtime tek gjeneratori i lokalit, janë dëmtuar xhamat si dhe një mjet i parkuar aty pranë me targë KR8533A, tip sharon, ngjyrë gri, në pronësi të shtetasit H.I.
Nga shpërthimi mësohet se është dëmtuar gjithashtu edhe billbordi i kandidatit të PD-së për kryetar Bashkie Hamdi Pasha dhe një automjet që ndodhej i parkuar në afërsi të lokalit.
Në kqyrjen e vendit të ngjarjes kanë marrë pjesë eksperte Xhenjer të Njesitit Anti Eksploziv Reparti RENEA Tiranë, te cilët do të përcaktojnë sasinë dhe llojin e kësaj lënde shpërthyese.
Janë kryer veprimet e para hetimore dhe po punohet për identifikimin , zbulimin dhe kapjen e autorit të kësaj ngjarje.