Tronditen pushuesit në Velipojë, sherr dhe përplasje me armë. Një i plagosur

Tronditen pushuesit në Velipojë, pasi nga sherri dhe përplasja me armë, një person është plagosur me armë mbrëmjen e së martës.

I plagosuri Pjerin Brushtulli ka marrë plagë në bark. Ngjarja ka ndodhur rreth orës 22:00 në afërsi të një resorti, në rrethana ende të paqarta sipas policisë.

48-vjeçari banues në Shkodër rezulton person i dënuar për vrasje. Në vitin 2004, ai rezulton i dënuar me 15 vite burg nga Gjykata e Shkodrës.

Në vendngjarje kanë shkuar forca të shumta policie dhe grupe të FNSH Shkodër që kanë rrethuar zonën me qëllim kapjen e autorit.