Trump pret në zyrën e tij familjen shqiptare, i jep dhuratën e veçantë vogëlushit me aftësi ndryshe

Presidenti i Shteteve të Bashkuara, Donald Trump, ka pritur në një takim të veçantë në Shtëpinë e Bardhë familjen shqiptare Xhaferi, së bashku me tre fëmijët e tyre. Takimi u zhvillua në kuadër të nismës humanitare “Make-A-Wish”, e cila ka për qëllim realizimin e dëshirave të fëmijëve me aftësi të kufizuara.

Djali i familjes Xhaferi, i cili u vendos në krah të presidentit gjatë pritjes, është fëmijë me aftësi të veçanta. Vizita ishte pjesë e angazhimeve të presidentit për të promovuar politikat në mbështetje të personave me aftësi ndryshe.

Në një atmosferë të përzemërt, Presidenti Trump i dhuroi vogëlushit një monedhë përkujtimore si simbol kujtese dhe respekti. Organizata “Make-A-Wish” synon të krijojë momente gëzimi dhe shprese për fëmijët dhe familjet që përballen me sfida të mëdha shëndetësore.