“Truri” i sulmeve dhe financuesi i “Skuadrës së Vdekjes”

Abdelhamid Abaaoud konsiderohet “truri” i sulmeve terroriste në Paris.

Mediat e huaja raportojnë se  28-­vjeçari Abdelhamid Abaaoud është një nga më të rrezikshmit e celulës terroriste të ISIS, që njihet edhe si “Skuadra e Vdekjes”.

Celula është drejtuar dhe financuar nga Abaaoud, që konsiderohet si një nga anëtarët më të përgjakshëm të Shtetit Islamik.

Në fillim të 2015, shërbimet inteligjente në Francë, humbën gjurmët e tij. Flitet se telefoni i tij celular është gjurmuar edhe në Greqi, por më pas nuk pati asnjë informacion.

Pjesë e skuadrës janë Salah Abdeslam, Ibrahim Abdeslam e Bilal Hadfi, janë tre nga autorët e identifikuar deri më tani, për sulmin terrorist në Paris.

Lista e personave të celulës përfshin edhe francezo-­algjerianin Mehdi Nemmouche, autor i sulmit në muzeun e Brukselit.

Amedy Coulibaly, një nga autorët e sulmit terrorist të pak muajve më parë në Paris, si dhe Ayoub El Khazzani, që tentoi të bëjë një masakër në trenin e linjës Amsterdam-Paris, janë po ashtu pjesë e celulës.