Tubimi më 8 shkurt, Berisha: Tirana duhet të njohë protestën më të madhe

Sali Berisha mblodhi këtë të enjte në një takim Drejtuesit Politik, Koordinatorët dhe Kryetarët e Degëve, me në fokus protestën e 8 shkurtit.

Kreu i PD-së tha se në 8 shkurt, Tirana duhet të njohë protestën më të madhe në gjithë ekzistencën e saj.

“Beteja jonë ndalet vetëm në fitore. Por këtu duhet të mobilizojmë të madh e të vogël, shqiptarët brenda dhe jashtë vendit dhe të ndërmarrim një seri aktesh mosbindje civile. Jemi në betejë me diktaturën, asnjë njeri nuk duhet ta harrojë këtë. Nuk duhet që qetësia e një dite apo e një jave të na bëjë të harrojmë se kemi diktaturë përpara. Jo. Ne do fitojmë!”, tha Berisha.