Tushi: Krimi ka nxjerrë dhëmbët në familjen shqiptare

Sipas sociologut Gëzim Tushi, “krimi ka nxjerrë dhëmbët në familje dhe jashtë saj”. I ftuar në emisionin “Top Talk” me gazetarin Denis Dyrnjaja, Tushi u shpreh se krimi “po përpiqet të na imponojë kundërkulturën e përshtatjes me krimin në shoqëri”. “Është shumë e frikshme fakti që po mësohemi me krimin e përditshëm. Duhet reagim më i fortë qytetar, ndikim më i fortë i shtetit dhe ligjit, megjithëse unë mendoj se krimi nuk ndryshon nëse merremi vetëm me kriminelin, por çfarë nuk shkon me shoqërinë tonë”, shtoi sociologu.