U gjet i pajetë nga pronari, ekzekutohet me dy plumba në kokë emigranti shqiptar në Greqi
Aktualitet E Martë, 25 Gusht 2020 08:46
Një emigrant shqiptar është ekzekutuar me dy plumba në kokë, në Greqi. Mediet fqinje raportojnë se ngjarja ka ndodhur në Kavala të Greqisë, ku është gjetur i vrarë shqiptari 58-vjeçar.
Ai punonte në mbledhjen e ullinjve, kur është gjetur nga pronari i tij, i cili fillimisht ka dyshuar për infarkt dhe ka njoftuar menjëherë ambulancën.
Më pas, mjekët kanë konstatuar se shqiptari ishte qëlluar dy herë me armë në kokë. 58-vjeçari shqiptar jetonte dhe punonte prej vitesh në zonën e Pagaiu të Kavalas, ndërsa policia ka nisur hetimet për të zbardhur shkaqet e vrasjes së tij.
