U kap duke transportuar emigrantë të paligjshëm, vihet në pranga 43-vjeçari

Është arrestuar nga policia 43 vjeçari me inicialet E.T banues në Tiranë  nën akuzën se ka transportuar emigrantë të paligjshëm.

Arrestimi është bërë i mundur në kuadër të operacionit policor “Muzgu 6” nga Seksioni i Hetimit të Trafiqeve në DVP Gjirokastër, në bashkëpunim me Policinë Kufitare dhe shërbimet e FRONTEX-it.

Në njoftimin e policisë thuhet se shtetasi 43- vjeçar  u kap në afërsi të fshatit Glinë, duke transportuar 6 emigrantë të paligjshëm, në drejtim të Tiranës, me mjetin tip “Mercedez Benz”.  Në cilësinë e provës materiale u sekuestrua automjeti.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.