U kap me mina me telekomandë, Gjykata e Lezhës liron nga burgu Endrit Vejsiun

Gjykata e Lezhës ka nxjerrë nga qelia Indrit Vejsiun, 29 vjeçarin e arrestuar rreth një vit më parë me 4 mina me telekomande dhe 3 kg kanabis.

Togat e zeza e gjetën të riun fajtor për 2 vepra penale dhe e dënoi atë me 4 vjet burg, por vuajtje e dënimit është pezulluar dhe Indrit Vejsiu është vendosur në shërbim prove.

Në dispozitivin e vendimit,  thuhet se Vejsiu ishte shpallur fajtor për “prodhim dhe shitje të narkotikëve” për të cilin parashikohet dënim nga 5 deri në 10 vjet burg dhe “prodhim të armëve, armëve shpërthyese e municionit”, po ashtu me dënim nga 5 deri në 10 vjet.

Gjykata i ka dhënë atij nga 5 vjet dënim për secilën prej veprave, minimumin e parashikuar. Më pas në bashkim të dënimeve Vejsiu është dënuar me 6 vjet burg, por duke qenë se i padehuri i ka parmuar akuzat dhe ka kërkuar gjykim të shkurtuar Vejsiu u dënua përfundimisht me 4 vitë burg.

Më tej vendimi është zbutur duke vendosur 29 – vjeçarin në shërbim prove për një periudhë 5-vjeçare. Gjatë kësaj kohe atij i kërkohet të mbajë kontakt me zyrën e Shërbimit të Provës, të mos mbajë më armë dhe të mos shoqërohet me persona të dënuar.

Endrit Vejsiu, u arrestua nga policia e Lezhës mbrëmjen e 30 shtatorit të vitit 2018-të, pasi në aksin rrugor Milot-Lezhë, në automjetin e tij ju gjeten të fshehura  4 mina me telekomandë dhe 3 kilogramë kanabis.

Nga hetimet e prokurorisë Vejsiu rezulton se ka shërbyer si korrier i një personi tjetër, që kishte si synim të trafikonte katër mina nga porti i Shëngjinit në drejtim të Italisë.

/Ora News