U kapën me 57 emigrantë të paligjshëm, u kishin marrë 1000 euro secilit. Arrestohen 2 të rinj në Korçë

Dy persona kanë rënë në prangat e policisë së Korçës pasi u kapën duke transportuar 57 emigrantë të paligjshëm.

Dy të rinjtë e identifikuar si shtetasve M. L., 36 vjeç; E. D., 28 vjeç, banues në Korçë, u kapën në dalje të qytetit të Pogradecit me kamionin tip “Iveco”.

Kamioni ishte në pronësi të A. O., 38 vjeç, banues në Tiranë, i cili është shpallur në kërkim dhe brenda kishte 57 emigrantë të paligjshëm, të cilëve kundrejt shpërblimit prej 1000 euro secilit, iu ishte premtuar kalimi drejt vendeve të BE-së.

M.L. drejtonte mjetin, ndërsa E. D., kryente kontrollin e rrugës, me mjetin tip “Benz”. Arrestimi i tyre u bë në kuadër të operacionit policor të koduar “Perimetri”.

Materialet në ngarkim të tyre i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve”, kryer në bashkëpunim.