U plagos nga Fatmir Kolecaj, Komandanti i FNSH Shkodër niset me urgjencë drejt Traumës

Mësohen detaje të nga ngjarja e ndodhur pasditen e sotme në Lezhë, ku autori i vrasjes së dyfishtë në Kodër Rrëshen të Mirditës, Fatmir Kolecaj, hapi zjarr ndaj policisë dhe më pas vrau veten, duke mos pranuar të dorëzohej.

Gazetarja Dorjana Bezat raporton për “BalkanWeb” se nga të shtënat me armë zjarri nga Kolecaj ka mbetur i plagosur Komandati i Njësisë së FNSH në Shkodër, i cili është nisur me urgjencë drejt Spitalit të Traumës në Tiranë, për ndihmë më të specializuar.