Uldedaj sfidon Doshin: Asnjë votë e blerë nga LSI në favor të PDsë
Pas deklaratës së ditës së djeshme nga Tom Doshi, se LSI ka blerë votat në qarkun e Shkodrës, ka reaguar Partia Demokratike me anë të kryetarit të Grupit të Punës, Gjokë Uldedaj. Në një postim në facebook, Uldedaj shprehet se teza e Doshit se LSI ka blerë vota në Vaun e Dejës në favor të Pdsë bie poshtë nga të dhënat e numërimit. Uldedaj thekson se në zonat ku LSI ka marrë vota, kandidati i PDsë ka humbur, fakt që rrëzon pretendimin e Doshit. Sipas tij, faktet janë kokëfortë dhe gjithçka e thënë nga Doshi është përpjekje për të zbehur punën e strukturave të PDsë në këtë zonë.
“Në cilësinë e Kryetarit të Grupit të Punës dhe Drejtuesit të Fushatës së Partisë Demokratike në Bashkinë e Re “Vau Dejës”, unë e konsideroj shumë dëshpëruese, e nëncmoj dhe e mëshirojë deklaratën e Tom Doshit dhënë në media,lidhur me fitoren tonë në Bashkin Vau Dejës. Ja kuptoj edhe hallin e madh dhe sikletin që po kalon zotëria në fjalë,duke demostruar një pështjellim dhe corientim të plotë politik, jo vetëm nga efekti I humbjes së thellë të 21 Qershorit, në bashkinë Vau Dejës, të cilën publikisht e pati marrë përsipër dhe kërkoi ta hipotekonte, si ciflig për vete. Për ata që nuk e dinë, por edhe Këtij zotërisë, unë po i rikujtoj se në 21 qershor, Ju keni shënuar rekordin e humbjes së 5të radhazi, në Bushat dhe Bashkinë e Re Vau Dejës. Besojë se e kujtoni mirë vitin 2007, vitin 2009,vitin 2011, por edhe në vitin 2013, dhe tani së fundi 21 Qershorin 2015. Një shprehje popullore këtej nga ne thotë: “Ma keq i mësuemi se i dëshiruemi”. Teza e fundit e zotit Tomë, se LSI, paska ble vota për ne është jo vetëm fëminore, por e pakuptimët dhe një mashtrim I radhës. Po të blinte vota LSI, do ti blinte për vete dhe jo për të Tjerët. Referuar shifrave zyrtare LSIja, në Bushat ka marrë vetëm 580 vota dhe në njësin administrative të Vau Dejës ka marrë 443 vota. Është fakt dhe është zyrtare ne faqen e KQZ, se në ato qendra votimi ky LSI ja, ka arrit të marrë vota si në: (Kosmac, Shkjez, Bushat Qendër, Pasterpat Barbullush, Mjedë, dhe Narac), Kandidati jonë, zoti Zef Hila dhe PDja, si subjekt i kanë humbur këto qendra votimi me diferencë pothuajse aq vota sa ka marrë LSIja. Faktet janë kokëforte dhe konsiderohet dëshpruese përpjekja e kundërshtarëve tanë politikë, që të zbehin punën e palodhur të strukturave të PDsë, të kësaj zone dhe vlerat e Kryetarit të kësaj Bashkie Zotit Zef Hila.”, shkruan Uldedaj.