Unaza/ ARRSH miraton projektin për rehabilitimin e segmentit rrugor

Autoriteti Rrugor Shqiptar ka miratuar projektin për rehabilitimin e segmentit rrugor “Mbikalimi Pallati me Shigjeta-Sheshi Shqiponja loti 1”.

Projekti i paraqitur nga Bashkia e Tiranës dhe përcjellë nga ana e Ministrisë, pas disa seanca konsultash me grupin e projektueseve të Bashkisë Tiranë u miratua në Këshillin Teknik të Autoritetit Rrugor Shqiptar.

Sipas njoftimit në projektimin e këtij kryqëzimi shumë të rëndësishëm për qytetin e Tiranës si dhe për gjithë Shqipërinë janë ruajtur të gjitha standarde e projektimit të një rruge të tipit A, si dhe duke realizuar një lëvizje më të mirë për trafikun lokal si dhe atë pedonal të zonës.

Gjithashtu, sipas njoftimit, projekti i sheshit “Shqiponja” vjen me qytetarët në fokus, duke u zhvilluar i gjithi në 3 nivele nëntoke për t’u aksesuar në nivelin e rrugës nga kalimtarët, autobusët, biçikletat dhe i është dhënë një rëndësi të veçantë gjelbërimit dhe aredimit urban.

/SCAN