Universitetet, 52% e studentëve të pakënaqur

Largimi i të rinjëve duke kërkuar ”azil” në vendet e BE-së, një ka arsyet ka arsimimin. Këtë e vërteton edhe një sondazh i qeverisë. Ministrja e Arsimit, Besa Shahni ka publikuar një pyetësor të zhvilluar tek studentët mbi institucionet arsimore. Në sondazhin e zhvilluar në prill-maj 2019, 89 mijë pyetësorë iu dërguan studentëve dhe 31.2% e tyre në nivel kombëtar e plotësuan.

Sipas sondazhit të publikuar nga ministrja Shahini, 52% e studentëve shprehen se institucionet ku studiojnë nuk i plotësojnë pritshmëritë e tyre. 66% e studentëve thonë se personeli akademik është kompetent në shpjegimin e njohurive ndërsa 55% tyre shprehen se infrastruktura mbështetëse është e pamjaftueshme.

Sipas ministres, në sondazh u mblodhën opinionet e studentëve mbi 6 çështje kryesore: organizimi i institucionit, burimet e institucionit, kurrikulat dhe përmbajtja, mësimdhënia dhe mësimnxënia, aktiviteti kërkimor dhe mbështetja ndaj studentëve.