Universitetet mësim online, Bino tregon çfarë do të bëhet me shkollat

Dje Komiteteti Teknik i Ekspertëve për pandeminë e Covid-19 në Shqipëri, bënë me dije vendimet, për mbylljen e konvikteve, zhvillimi online për studentët dhe se po vlerësohet mbyllja e bareve në zonën e bllokut pas orës 22:00.

Silva Bino, Shefja e Departamentit të Sëmundjeve Infektive në ISHP, thotë se vendimi për të zhvendosur onlinne mësimin në universitete erdhi pas të dhënave epidemiologjike që tregonin një shtim të rasteve me Covid-19 gjatë dy javëve të fundit dhe përahpjen më të madhe të infeksionit në moshat e reja.

Sa i përket shkollave 9-vjeçare, Bino tha se nga vlerësimet e bëra deri tani, të mbështetura edhe në të dhënat botërore, rezulton se këto ambiente nuk kanë impakt në përhapjen e epidemisë.

Për më tepër, ajo apeloi për zbatimin e rregullave të thjeshta që nisin nga mbajtja e maskës, por kjo e fundit nuk mjafton sipas shefes së ISHP, nëse nuk ndiqet nga të tjera rregulla në komunitet që kanë të bëjnë me distancimin social.