Urbani ra në Lanë, Prokuroria nis hetimet për shkaqet e aksidentit

Urbani i linjes së Unazës përfundoi në Lanë duke rrezikuar jetën e dhjetëra udhëtareve, ndaj dhe Prokuroria ka nisur hetimet për shkaqet e aksidentit.

Çështja po hetohet nga prokurori Shpëtim Garunja, i cili e ka regjistruar ngjarjen deri tani si kundravajtje penale, pasi nuk ka viktima dhe të plagosurit janë të dëmtuar lehtë.

Kjo ka sjellë edhe mosarrestimin e asnjë prej drejtuesve të mjeteve. Pritet ekspertiza autoteknike e mjeteve si dhe ekspertiza e vendgjarjes së ekspertëve të Policisë Shtetit, të cilët do të përcaktojnë shkakun e ngjarjes së rëndë, e cila për pak mund të shndërrohej në një tragjedi.