Ushqimet për festa i transportojnë në shpinë, s’ka ku futet makina

Kanë mjaftuar vetëm pak orë shi që rruga e fshatit Kolivaç në njësinë administrative Baz të Matit të bëhet e pa kalueshme për banorët e zonës.

Kjo rrugë tashmë është kthyer në një gangrenë jo vetëm për mjetet, por edhe për banorët të cilët detyrohen që ushqimet e festave ti transportojnë në këmbë.

Ata kërkojnë që të ndërhyhet sa më parë në këtë segment, pasi gjatë stinës së dimrit mund të mbeten të izoluar.

“Nuk pyet njeri, shembje dhe gropa.”

“Nuk ka vënë njeri dorë.”

“Ka 30 vjet që nuk vë dorë njeri.”

Mungesa e kanaleve kulluese ka bërë që ky aks rrugor të vështirësojë jetesën e banorëve.

I gjithë aksi është në gjendje të tillë që nga rruga nacionale e deri në fund të fshatit.