Vaksina kineze, Brataj: Është rreth 78 % efektive, e provuar në 22 shtete

Agjensia Europiane e Barnave, ende nuk e ka miratuar vaksinën kineze kundër Covid-19, por kjo vaksinë është shpërndarë në 22 vende të botës, si edhe në Shqipëri. Drejtori i Urgjencës Kombëtare Skender Brataj, thotë se kjo vaksinë është 78% efikase. Më tej, Brataj nënvizon se vaksina kineze është e sigurtë, pasi është provuar nga 22 shtete. Sakaq, e sigurtë ka thënë se është edhe vaksina ruse, është po përdoret në 44 shtete të botës.

”Përsa i përket efikasitetit ndaj Covid është rreth 78 % . E rëndësishme është që në këtë fazë të pandemisë është që të vaksinohen sa më shumë njerëz për të parandaluar sa më shumë humbjen e jetëve të njerëzve dhe formave të rënda.

Të gjithë vaksinat janë të bazuar në Sars Covid 2 e parë kemi bërë një vit që kemi kaluar nga pandemia dhe vetë vaksina në fund të dhjetorit ka dalë për njerëzit, ndërsa provat e saj kanë filluar që në vjeshte. Qëllimi i vaksinave po ta marrësh nga ana biologjike është virusi i dobësuar, ndërsa në rastet e tjera kur proteinat e ngjashme dhe si efikasitet është kinezja.

Praktikisht katër vaksinat që janë në përdorim janë efikase. Mes tyre dhe vaksina kineze është shumë efikase. Siguria merret te rezultatet që përdorimi i vaksinës kineze ka dhënë në 22 shtete, ajo ruse në 44 ndërsa dy të tjerat kanë një përdorim më të gjerë. Ne u referohemi rezultateve që vijnë nga Brazili, Indonezia dhe nga vendet e tjera por të gjithë këto shtete që kanë aplikuar kanë dhe të dhënat në lidhje me këtë efikasitet.

Nuk ka efekte anësore, dhe nuk ka asnjë rezultat në lidhje me faktin se nëse bën një vaksinë ka dhe humbje jete. Bota e pasur ekonomia dhe shkenca u drejtuan diku dhe prodhuan një vaksinë. Janë bërë prova ndër vite dhe është dhënë dhe rezultati për këto vaksina dhe kanë rezultuar efikase. As EMA as FDA nuk japin miratimin pa një certifikatë prodhuesi”, ka thënë Brataj.