”Vaksina në shtator”/ Universiteti i Oksfordit: Testet në…

Bota po lutet për vaksinën dhe sytë janë tek shkenëtarët dhe fizikantët. Testet për vaksinën që Universiteti i Oksfordit synon ta ketë gati në muajin shtator, do të nisin në mesin e majit tha për ”The Lancet”, ekspertja e virologjisë, Sarah Gilbert. Prova do të realizohen mbi 500 vullnetarë të grupmoshës nga 18 deri në 55 vjec. Më vonë, ajo do të shtrihet tek moshat më të thyera duke përfshirë 5 mijë persona.

”Skenari më i mirë është që deri në vjeshtën e vitit 2020, të kemi një rezultat pozitiv nga faza 3 dhe një aftësi të madhe prodhimi të vaksinës, edhe pse këto korniza kohore mbeten mjaft ambicioze e mund të jenë subjekt ndryshimesh”.

Ekspertja zhvillon një punë kërkimore të lidhur me vaksinat pranë Universitetit të Oksfordit që nga viti 1994. Për hulumtimet e saj mbi Covid 19, ajo e ka marrë tashmë një grant prej 2.2 milionë paund nga Instituti Kombëtar Britanik për Kërkimet në Shëndetësi. OBSH-ja llogaritet 70 kandidatë vaksinash në zhvillim, dhe tre të tjera siç thuhet po testohen tek njerëzit.