Vaksinimi në Lezhë, mësuesit marrin dozën e parë të vaksinës

Këtë të hënë ka nisur procesi i vaksinimit anti-covid për mësuesit në qytetin e Lezhës. Procesi i vaksinimit do të kryhet në ambjentet e palestrës së gjimnazit “Hydajet Lezha”. Kujtojmë se sot ka nisur rivaksinimi i të moshuarve mbi 80 vjeç, në stadiumin “Air Albania”.

Ministrja e Shëndetësisë, Ogerta Manastirliu ka parë nga afër si po vijon procesi i vaksinimit të të moshuarve, ndërsa ka theksuar se gjatë ditës së sotme do të vaksinohen rreth 2500 persona, mes të cilëve janë edhe ata që kanë nevojë për dozën e dytë.

Që nga fillimi i vaksinimit janë kryer 24,887 vaksinime për personelin shëndetësor, të moshuarit dhe mësuesit.