“Valdrin Pjetri i ndaluar në Itali”, Strazimiri: Duhen shkulur me rrënjë

Partia Demokratike i ka kërkuar Prokurorisë së Përgjithshme të verifikojë pa vonesë pastërtinë e figurës së Valdrin Pjetrit, i cili u regjistruar në votime si kandidat i PS për Bashkinë e Shkodrës.

Kërkesa e firmosur nga Sekretari i Përgjithshëm i PD, Gazment Bardhi,  bëhet në kushtet kur sipas tij ekzistojnë të dhëna, indicie dhe dëshmi publike se Valdrin Pjetri nuk mund të ushtrojë funksion publik për shkak te ligjit të dekriminalizimit.

“Në vitin 2001-2002, Valdrin Pjetri ka qenë i arrestuar/ndaluar në Itali (ka jetuar në Firence, Itali) dhe, më pas, ndaj tij është marrë masa e dëbimit nga autoritetet përgjegjëse italiane. Nga verifikimi i të dhënave të sistemit TIMS rezulton se shtetasi Valdrin Pjetri nga periudha 2002 – 23.03.2010 nuk ka udhëtuar në asnjë rast të vetëm në drejtim të Italisë, çka përbën një indicie për saktësinë e të dhënave të bëra publike më parë”-thuhet në letrën e Sekretarit të Përgjithshëm të PD.

Nëse këto të dhëna publike verifikohen pa vonesë nga Prokuroria, kjo do të thotë se Valdrin Pjetri nuk mund ta marrë detyrën e Kryetarit të Bashkisë së Shkodrës, as si rrjedhojë e votimeve të pavlefshme të 30 Qershorit.

Lidhur me këtë akuzë, ka reaguar edhe ish-deputeti demokrat, Gent Strazimiri, i cili thekson se nuk dekriminalizohet me ligj kur ligjin e bën krimi!

Ndaj thotë Strazimiri, persona si socialisti Valdrin Pjetri duhen shkulur me rrënjë.

“Është kështu, dhe kështu do të jetë!
Sepse një njeri i ndershëm KURRË nuk do të pranojë të përfaqësojë apo të votojë MAFIA-n!
Nuk dekriminalizohet me ligji kur ligjin e bën krimi!
Duhen shkulur më rrënjë sepse tek rrënjët e tyre janë plagët e ATDHEUT!
#JO_MAFIA
#JO_NarkoEnverizëm”, shprehet në rrjetet sociale, ish-deputeti Gent Strazimiri.