Valëviti flamurin e PD-së mbi kokën e kandidatit të PS, 28-vjeçari vihet nën hetim

Valëviti flamurin e PD-së mbi kokën e kandidatit për deputet të PS-së, konkretisht kur Petrit Malaj po mbante një takim elektoral në Tropojë, ndaj dhe 28-vjeçari mësohet se është vënë nën hetim.

Njoftimi i policisë

Specialistët për Hetimin e Krimeve në Komisariatin e Policisë Tropojë, proceduan në gjendje të lirë shtetasin A. G., 28 vjeç, banues në Tropojë, për veprën penale të “Pengimit në ushtrimin e të drejtës për tu shprehur, grumbulluar apo manifestuar”, pasi më datë 09.04.2021, gjatë zhvillimit të aktivitetit elektoral të një subjekti politik, në qytetin e Bajram-Currit, ka ngritur një dron i cili mbante një flamur me siglën e një subjekti tjetër politik. Materialet u referuan në Prokurorinë Pranë Gjykatës së Shkallës së Parë Tropojë, për veprime të mëtejshme.