Varhelyi nesër në Tiranë, sjell edhe 145 mijë vaksina Pfizer

Komisioneri për Zgjerimit e Bashkimit Evropian, Oliver Varhelyi, nesër do të mbërrijë në Tiranë, ku do të takohet me kryeministrin Edi Rama dhe kreun e PD-së Lulzim Basha. Fokusi kryesor i vizitës së Varhelyi është dorëzimi i pjesës së parë të 145 mijë vaksinave të financuara nga BE.

Bashkimi Evropian ka planifikuar që të dhurojë në total 651 mijë doza të vaksinave Pfizer/BionTech për vendet e Ballkanit Perendimor. Várhelyi e filloi shpërndarjen e dozave në Serbi dhe me tej në Bosnje.

“Kjo ndihmë e BE-së i shtohet sasive të vaksinave të dhuruara për shtetet ballkanike përmes mekanizmit të Organizatës Botërore të Shëndetësisë COVAX. Përmes COVAX dhe Bashkimit Evropian në do të shpërndajmë gati një milion doza vaksinash në Ballkanin Perëndimor”,-tha Varhelyi ne perfundim te vizites ne Bosnje.