Vatër e re zjarri në Gjirokastër, dhjetëra policë për të shuar flakët

Një vatër e re zjarri është krijuar pasditen e sotme në fshatin “Andon Poçi”, në qytetin e Gjirokastrës.

Bëhet me dije se situata paraqitet e rënduar dhe tepër agresive në një zonë me shkurre në hyrje të fshatit. Ndërkohë që në vendin e ngjarjes dhjetëra forca policore kanë shkuar për të shuar flakët.

Situata jo e favorshme e motit me erë të fortë po i ndihmon flakët të cilat po afrohen drejt banesave.