Vatra të reja zjarri në Kolonjë

Një tjetër vatër zjarri është shfaqur pasditen e sotme në brendësi të Parkut Natyror të Gërmenjit, në afërsi të fshatit Shelegur në bashkinë Kolonjë, duke rrezikuar zonat e mbrojtura dhe bizneset përreth. Zjarri po përhapet me shpejtësi në një zonë me dendësi të lartë pyjore. Vatra të tjera aktive janë konstatuar gjithashtu pranë piramidave kufitare 13-14, në kufi me Greqinë.