Vdekja e të burgosurit, Berisha: Tjetër vrasje shtetërore në burgjet ferr të Ramës

Sali Berisha e cilëson vdekjen e 38-vjeçarit Renalto Tahiri në qelinë e burgut 302 në Tiranë, një krim shtetëror. Berisha shkruan se familjarët e të riut u njoftuan për vdekjen e tij vetëm dy ditë pas ngjarjes, ndërsa i bëri thirrje avokatit të popullit dhe Komitetit Antitorturë të Këshillit të Europës të nisë menjëherë hetimin për këtë ngjarje.

Reagimi i plotë

“Vrasje tjetër shtetërore në burgjet ferr të Edvin Ramës! Të dashur miq, dy ditë më parë vdes në rrethana misterioze Renalto Tahiri, 38 vjeçar i burgosur me akuzën për vjedhje të një biçiklete, dy ditë para vdekjes.

Familjarët e të ndjerit u njoftuan vetëm dy ditë pas vdekjes së tij në rrethana misterioze të cilat akuzojnë direkt xhelat me uniformë si vrasës të të riut. Shpreh ngushëllimet e mia më të ndjera familjes së viktimës dhe denoncojë si krim të mirfilltë shtetëror si vrasje potencialisht në qeli të të riut Renalto Tahiri.

I bëjë thirrje avokatit të popullit dhe Komitetit Antitorturë të Këshillit të Europës të nisë menjëherë hetimin për këtë vrasje shtetërore të radhës në burgjet e ferrit të narkoshtetit të Edi Ramës dhe të vendosin sanksionet që parashikon Konventa kundra Torturës në të cilën Shqipëria është palë.