Veliaj homazhe për Tonin Tërshanën: Nder i qytetit ta kishim mes nesh

Kryetari i Bashkisë së Tiranës, Erion Veliaj, mori sot pjesë në homazhet në nder të artistit të mirënjohur Tonin Tërshana. Pas ceremonisë së zhvilluar në ambientet e Radio Televizionit Publik Shqiptar, kryebashkiaku tha se dita e sotme është shumë e dhimbshme për një njëri që dhuroi vetëm gëzim.

 “Ndaj dua që t’i uroj Meri Tërshanës shumë kurajo edhe gjithë shqiptarët që, ndoshta unë jam brezi i fundit i atyre që shijuan gjithë gëzimet dhe këngët e Toninit. Ta kujtojmë gjithmonë të qeshur, gjithmonë të gëzuar dhe ishte në nderin e qytetet tonë ta kishim mes nesh dhe do kemi dhe nderin tonë që ta kujtojmë gjithmonë”, deklaroi Veliaj.

Ndërsa gruaja e artistit të njohur, Meri Tërshana, shprehu mirënjohjen që kryetari i Bashkisë së Tiranës dhe institucionet e tjera lehtësuan dhimbjen e familjes së tyre duke i qëndruar afër në këto momente të vështira.