Veliaj na njeh me dy heronjtë e heshtur që garantojnë shëndetin e fëmijëve në çerdhet, kopshtet e shkollat e Tiranës
I njihni Ervinin dhe Klodianin? Ata janë kolegë shembullorë të Bashkisë së Tiranës, e të dy kanë një mision të përbashkët – dezinfektimin e çerdheve, kopshteve e shkollave të kryeqytetit.
Kryetari I Bashkisë Erion Veliaj ka postuar në twitter një pjesëz nga puna e përditshme e dy heronjve të heshtur të kryeqytetit të cilët garantojnë në këtë periudhë të vështirë për shkak të pandemisë shëndetin e të vegjëlve dhe të nxënësve. “Bravo djema! Lum Tirana që ju ka”, shkruan Veliaj. Janë pikërisht punonjësit e pastrimit, të cilët nuk ngatërrohen mes turmës, por janë të dukshëm kudo përmes punës së tyre.
Ende pa gdhirë, autobotet e pastrimit nisin punën për dezinfektimin e rrugëve, duke bërë të mundur larjen dhe klorifikimin e tyre.
Ndërkaq, punëtorët e qytetit vijojnë çdo ditë punën edhe për dezinfektimin e koshave të mbeturinave, stolave, si dhe larjen e kontejnerëve.
I njihni Ervinin dhe Klodianin? 💁🏻♂️
Ata janë kolegë shembullorë🏆 të Bashkisë së Tiranës, e të dy kanë një mision të përbashkët – dezinfektimin e çerdheve🤱🏻, kopshteve 👧🏼 e shkollave të kryeqytetit. 🏫🎒📚Bravo djema! 👏🏻
Lum Tirana që ju ka! 😍🙏🏻 pic.twitter.com/rbEwgoqcfU— Erion Veliaj #B40Presidency 🇪🇺🇦🇱 (@erionveliaj) December 7, 2020