Veliu: Brenda 3 vitesh ulim moshën mesatare të Policisë së Shtetit

I pranishëm në inaugurimin e ambienteve të reja të Repartit special RENEA, Drejtori i Policisë së Shtetit, ndër të tjera tha se brenda 3 vitesh, do të ulet mosha mesatare të Policisë së Shtetit. ”Hapësira që na u dha me vendimin e fundit të qeverisë për trajtimin financiar të punonjësve mbi 55 vjeç, është një tjetër mundësi për të rritur kapacitetet e brendshme, duke ulur moshën mesatare në 3 vitet e ardhshme, me të paktën 1 vit e gjysëm. Sigurisht që dhe organizata e Policisë si vetë shoqëria ka nevojë për përmirësim, ndryshim e vetëpastrim. Besoj fort se procesi i vetingut që ka nisur prej muajsh me gradat e larta, si dhe puna në vijim do të pastrojë nga radhët e Policisë së Shtetit elementet e padëshiruar dhe do ta bëjë më të shëndetshme atë”.