Veliu në Kukës, policët: Punojmë orë shtesë, nuk ka staf

Drejtori i Përgjithshëm i Policisë së Shtetit, Ardi Veliu, pas Shkodrës do të zhvillojë sot një vizitë në qytetin e Kukësit, ku do të takohet me strukturat. Punonjësit e Policisë së Kukësit, ndihen të shqetësuar nga kjo vizitë, pasi shprehen se prej kohësh mungon organika në Policinë e Rendit dhe atë Rrugore.

Ata shtojnë se punojnë orë shtesë, pasi nuk ka punonjës që ti zëvendësojnë. Takimi i Veliut me struktrat në këtë qark vjen disa javë pas vrasjes së Guxim Gjyriçit në Tropojë, ku ende nuk ka asnjë të arrestuar.

Kreu i Policisë, Ardi Veliu, prej ditësh ka nisur takime me struktruar në rrethe, ku na nisur nga Shkodra. Sipas informacioneve mësohet se Veliu u ka dhënë urdhër policëve që të punojnë më shumë dhe të zbardhin krimet.