Vëllai vrau motrën, sot do festonte datëlindjen. Autori ka tentuar të vrasë një person kur ishte në ushtri

Vizita nga Gjermania e Diana Vukajt në shtëpinë e vëllait të saj të vogël në Shkodër, përfundoi në mënyrë tragjike, pasi u ekzekutua nga vëllai i saj, Fabian Vukaj me 4 plumba që i morën jetën menjëherë.

Mësohet se viktima sot të festonte datëlindjen, që ishte dhe kjo arsyeja e ardhjes së saj nga Gjermania në Shkodër. Në banesën e Fabian Vukaj, policia gjeti 6 shishe alkooli dhe mendohet se ka qenë i alkoolizuar në momentin që ka kryer krimin.

Mësohet se Diana i jepte një rrogë mujore prej 300 eurosh në muaj vëllait të saj të vogël, por duket kjo nuk i mjaftonte për shkak se dhe luante bixhoz dhe kanë debatuar herë pas herë për para që e motra shpenzonte për mobilimin e një shtëpie të saj në Velipojë.

Fabian Vukaj, 55-vjeç ka qenë i dënuar me 10 vite burg para 30 vitesh për tentativë vrasjeje kur ka qenë në ushtri pasi ka goditur me thikë një person.