Vëllezërit nga Shqipëria kthehen në “ëngjëj” për italianët

Pas dërgimit të 30 mjekëve dhe infermierëve shqiptarë në Italinë e gjunjëzuar nga virusi vdekjeprurës, dy vëllezër shqiptarë në zonën Monterosso në Bergamo kanë bërë një gjest humanitar, duke e ngritur lart Shqipërinë dhe vlerat e popullit shqiptar. Vëllezërit Skuqej nga Shkodra kanë vendosur të shpërndajnë vullnetarisht bukë në shtëpitë e italianëve, sipas Voce. Me këtë gjest furra e bukës së tyre “Bellini”, ka treguar solidaritetin duke shkuar në çdo shtëpi për të lehtësuar sadopak peshën e kësaj tragjedie. Italia po përballet me një situatë shumë të vështirë prej javësh, ku çdo ditë humbasin jetën me qindra persona nga koronavirusi.