Vendi vakant për Gjykatën Kushtetuese, përcaktohen relatorët dhe këshilltarët

Anila Leka u zgjodh relatore dhe Besmir Rrapaj e Edlira Llango këshilltarë për të kryer procesin e verifikimit, vlerësimit, pikëzimit dhe renditjes së kandidatëve për vendin vakant të shpallur nga Gjykata e Lartë për ish-gjyqtarin e Gjykatës Kushtetuese, Gani Dizdari.

Mbledhja e sotme e Këshillit të Emërimeve në Drejtësi u drejtua nga zv/kryetarja e KED Marsida Xhaferllari, pasi kryetari Sokol Binaj mungonte për arsye shëndetësore.

Ky short u zhvillua në mënyrë manuale për shkak të pamundësisë teknike të zhvillimit të tij në mënyrë elektronike. Zv/kryetarja e KED, pasi u këshillua me anëtarët e këshillit dhe duke mbajtur në konsideratë numrin 7 të kandidaturave vlerësoi të caktoheshin me short dy këshilltarë ligjorë.