Vendimi i Apelit më 3 nëntor, juristi tregon 3 variantet për fatin e PD-së

Gjykata e Apelit do të shqyrtojë më 3 nëntor kërkesën e Enkelejd Alibeajt për të rrëzuar vendimin e Gjykatës së Shkallës së Parë të datës 18 mars 2022, kur regjistroi ndryshimet statutore të Kuvendit të 17 korrikut 2021.

Juristi Arbër Hoxha shpjegon për ”Euronews Albania”, tre variantet e vendimmarrjes së Gjykatës dhe pasojat që ato shkaktojnë për drejtimin e partisë në vijim.

”Njëri nga variantet mund të jetë lënia në fuqi e vendimit.

Varianti i dytë mund të jetë ndryshimi i vendimit dhe pranimi i ankimimit të zotit Aliebeaj dhe zotit Bardhi.

Varianti i tretë është prishja e vendimit dhe kthimi për rigjykim pa lënë asnjë pasojë juridike lënia në fuqi. Nëse do të prishet dhe të kthehet për rigjykim, atëherë në këtë rast të gjitha veprimet e kryera deri tani nuk do të sjellin asnjë pasojë juridike në pritje të vendimmarrjes së shkallë së parë”.