Vendimi i Bashës, Soreca: Presim që lidershipi i ri të vijojë të mbështesë integrimin në BE dhe luftën kundër korrupsionit

Delegacioni i BE-së në Shqipëri ka reaguar pas dorëheqjes së Lulzim Bashës nga drejtimi i PD-së. Në një reagim në Twitter, delegacioni i BE thotë se pret nga lidershipi i ri që të të vazhdojë të mbështesë integrimin e vendit në BE si dhe luftën kundër korrupsionit.

“Ne respektojmë vendimin e Lulzim Bashës për largimin nga drejtimi i PD. Si çdo demokraci tjetër, Shqipëria ka nevojë për një opozitë të fortë që e mban qeverinë përgjegjëse dhe nën kontroll.

Ne presim që lidershipi i ri të luajë këtë rol vendimtar dhe të vazhdojë të mbështesë integrimin në BE si qëllim themelor i veprimit të tij, duke nxitur reformat dhe duke mbështetur reformën në drejtësisë dhe luftën kundër korrupsionit”, thuhet në reagim.