Venecia për Xhaçkën, reagon Mediu: Kuvendi të mos pengojë dërgimin në Kushtetuese

Në opinionin e Komisionit të Venecias për mandatin e Olta Xhaçkës, thuhet se vendimet e Gjykatës Kushtetuese janë të zbatueshme. Palët politike kanë bërë interpretime të ndryshme lidhur me çështjen e mandatit.

Kreu i PR-së, Fatmir Mediu tha se kemi qenë 4 vjet pa Gjykatë Kushtetuese dhe 4 vjet pa Gjykatë të Lartë dhe kjo nuk ndodh në asnjë vend anëtar të NATO-s. Mediu tha se Kuvendi nuk mund të pengojë dërgimin e çështjeve në Kushtetuese kur këtë e kërkon 1/10 e anëtarëve të Parlamentit.

”Sipas logjikës së PS-së, Kuvendi me shumicë votash mund të bllokojë çdo nismë që 1/10 e anëtarëve të Parlamentit mund t’i drejtohen Kushtetueses. Në këtë pikëpamje për çfarë nga duhet Gjykata Kushtetuese kur Kuvendi mund të bllokojë dërgimin e çdo akti? Kushtetuta e Shqipërisë thotë që vendimet e Gjykatës Kushtetuese janë të detyrueshme për tu zbatuar”, tha Mediu.