VERIFIKIMI/ Gënjeshtra e madhe e Ramës: Në krye të hipotekave u vunë militantët e PS (FOTO LAJM)

Ministria e Drejtësisë ka publikuar së fundmi emrat e fituesve për drejtorë hipotekash në Tiranë dhe rrethe, por pavarësisht se u trumpetua si një proces i drejt, duket se kemi të bëjmë me një gënjeshtër të madhe.

Albeu.com bëri një verifikim të profileve të Facebook-ut të të gjithë kandidatëve fitues për drejtorë hipotekash në Tiranë dhe rrethe duke zbuluar prej aty fakte tronditëse.

Në pjesën dërrmuese nga këto gjoja konkurse fitues kanë dalë drejtues apo militant të Partisë Socialiste.

Le të nisim nga Tirana. Fitues në Tiranë është shpallur Valdrin Pjetri. Ky i fundit u punësua në Ministrinë e Mbrojtjes fill pas emërimit atje të Mimi Kodhelit dhe u largua nga detyra aty pasi edhe Kodheli iku.

Sarandë
Fituesja për drejtor të Hipotekës së Sarandës është Jonida Abduli. Kjo e fundit është as më pak e as më shumë, por kryetarja e PS-së për qytetin e Sarandës, shkruan Albeu.com.

Elbasan
Kreu i Hipotekës në Elbasan do të jetë Mariglen Disha. Ky i fundit ishte krei i ALUIZNI-it dhe më pas kandidat për deputet i PS-së për këtë qark.

Gramsh
Xhilson Bajrami është fituesi sipas Ramës i konkursit për drejtimin e Hipotekës së Gramshit. Ai është funksionar i FRESSH dhe drejtues në OSHEE për këtë qytet.

Kukës
Klodian Gashi, i shpallur fitues nga konkursi i ministrisë së Drjetësisë është gjithashtu militant i PS-së.

Librazhd
Fatmir Brazhda, fitues i konkursit për drejtues Hipoteke të Librazhdit. Brazhda është nëpunës publik, por që pjesën e kohës së lirë e harxhon duke shpërndarë postimet e Ramës dhe të Blendi Klosit në Facebook.

Shkodër
Fituesi i konkursit në Shkodër është një ish-banakier, militant i PS.

Në galerinë që shoqëron këtë lajm mund të ndiqni edhe detaje nga postimet në Facebook të të gjithë drejtorëve militant të PS që janë zgjedhur në krye të hipotekave.

Mjafton rezultati i këtij konkursi për të kuptuar se ajo që deri më tani është paraqitur si heqje e tepsisë apo pastrim të administratës nga militantët nuk është gjë tjetër vetëm se një farse dhe aksion për të zëvendësuar militantët. /albeu.com/

Klodian Gashi, Drejtori i Hipotekes Kukes

Blerant Lushaj, Hipoteka Tropoje

Fatmir Brazhda, Hipoteka Librazhd

Zamir Leka, Hipoteka Shkoder

Jonida Abduli, Hipoteka Sarande

Xhilson Bajrami, Hipoteka Gramsh

Julian Pergega, Hipoteka Mirdite

Sokol Demleka, Hipoteka Mat