Vetingu tek burgjet, 130 punonjës me dënime penale

Nis vettingu në policinë e burgjeve, deri tani ka rezultuar se rreth 130 punonjës të këtyre institucioneve janë me denime penale dhe vazhdojnë akoma të punojnë.

Ministria e Drejtësisë dhe Drejtoria e Përgjithshme e Burgjeve ka kryer inspektimin dhe nga verifikimet ka rezultuar kjo shifër bëjnë të ditur burime nga ministria e Drejtësisë.

 Verifikimi është bazuar në Nenin 17 pika 1/d i Ligjit nr. 10032 “Për Policinë e Burgjeve”, ku thuhet se një nga kriteret e përgjithshme për t’u pranuar në Policinë e Burgjeve është që personi të “mos jetë dënuar penalisht me vendim gjykate të formës së prerë”.

“Bazuar në verifikimin e kryer nga strukturat e Ministrisë së Drejtësisë dhe Drejtorisë së Përgjithshme të Burgjeve deri tani rezulton që rreth 130 persona janë me dënime penale” bëjnë me dije burime të kësaj ministrie

Ministria e Drejtësisë ndërmori procesin e verifikimit të pastërtisë së figurës së policëve të burgjeve  në Institucionet e Ekzekutimit të Vendimeve Penale.