Vetting-u për politikën, Kodheli: Të kalojnë në sitë politikanët e 30 viteve

Vetting-un në politikë që PD e kërkon, deputetja e PS dhe kryetare e Komisionit për Marrëdhëniet me Jashtë, Mimi Kodheli e mbështet.

Gjatë intervistës në emisionin “Now”, ajo foli për nevojën e një kontrolli të gjithë klasës politike që ka qenë protagoniste në vend gjatë tre dekadave të fundit.

“Që kur miratuam Reformën në Drejtësi ne e dinim që do të vinte dita që edhe politikanët do të kalojnë në sitën e Vetting-ut. Jam krejt e hapur dhe dëshirëplotë që ta pranoj këtë gjë që vjen si krejt natyrshëm dhe që duhet absolutisht bërë”, tha Kodheli.

Për të një ligj i tillë do të sillte më shumë demokraci në Shqipëri dhe u shpreh e gatshme që PD dhe PS të nisin diskutimet mbi këtë iniciativë. Kodheli saktësoi që Vetting-u nuk duhet të kryhet vetëm për politikanët aktivë por të zgjerohet rrethi.