VIDEO/ Dy eurodeputetë italianë s’lejohen të takojnë Veliajn në qeli

Aktualitet E Enjte, 27 Shkurt 2025 19:40

Dy eurodeputetë italianë shkuan në paraburgimin e Durrësit, për të takuar Erion Veliajn. Lorenzo Grassini dhe Roberto Berardi nuk janë lejuar të takojnë kryebashkiakun. Për këtë arsye ata kanë shprehur keqardhjen.

“Jemi këtu në Durrës me senatorin Berardi për ti qëndruar pranë kryetarit të bashkisë Erion Veliaj si dhe për të parë kushtet e burgut. Për fat të keq nuk na lanë të hyjmë. Na pritën mirë por na thanë që lejohen takime vetëm me familjarët.

Ashtu siç ka ndodhur edhe tek ne, në Itali, paraburgimi është kthyer në një problem. Shumë njerëz të politikës burgosen në mënyrë paraprake, për të arritur në disa zgjidhje që sot për sot, nuk na rezultojnë.

“Forza Italia” është gjithmonë në favor të garancisë. Në favor të kujtdo që do të duhet të provojë, deri në gjykimin e madh final, pafajësinë e tij. Do të shohim si do të shkojë. Kjo rrjedhë që po merr sot është shumë e ngjashme me atë tonën, në periudhën e Tangentopoli. Shpresojmë që Shqipëria të mos kalojë një situatë të tillë të errët”, tha Lorenzo Grassini.