VIDEO/ Goditja e grupit kri*inal në fushën e migracionit, Balla: 26 në pranga, mbi 1 mln euro të sekuestruara

Ministri i Brendshëm, Taulant Balla përshëndet punën nga institucionet ligjzbatuese për goditjen e grupit kriminal në fushën e migracionit. Duke ndarë pamje nga operacioni i zhvilluar nga Policia, Balla bën të ditur se janë arrestuar 26 persona dhe mes tyre 4 punonjës policie. “Përgëzime Departamentit të Policisë Kriminale në Policinë e Shtetit dhe prokurorëve të SPAK, falë hetimit profesional të të cilëve është goditur një rrjet ndërkombëtar trafikimi. Janë 26 persona të arrestuar, mes tyre edhe 4 punonjës policie; mbi 1 milion euro (cash) armë zjarri, 13 automjete dhe sasi lëndë narkotike”, përfundon Balla.