VIDEO/ Ministrja Muzhaqi nuk di shifrën sesa të rinj ka Shqipëria: Nuk e mendova që do të pyesnit. Duma mbyll mbledhjen
Momente aspak të zakonshme u regjistruar këtë në hënë në Komisionin e Çështjeve Sociale. Buxheti i Ministrisë së Shtetit për Rininë ka shkaktuar debate të forta, ç’ka detyroi kryetaren e këtij komisioni, deputeten e PD-së, Grida Duma që të mbyllë mbledhjen para kohe. Shkak është bërë fakti që ministrja Muzhaqi nuk e kishte në komision shifrën se sa fëmijë dhe të rinj ka Shqipëria sot, çka është konsideruar nga opozita si e papërgatitur për mbledhjen.
Pjesë nga debati
Duma: Sa të rinj dhe fëmijë ka Shqipëria në 2021, 2022 dhe 2023? E keni shifrën?
Muzhaqi: Patjetër që e kemi, nuk mendova që do më pyesnit sot për këtë.
Duma: Si e bëni ju buxhetin? Sa të rinj ka Shqipëria sot? Dhe sa fëmijë? Kur bëni strategjinë për të rinjtë dhe fëmijët, duhet ta dini se sa nga taksat e shqiptarëve shkojnë për fëmijët dhe të rinjtë. Unë e di që është e vështirë për ju se kështu ka qenë gjithmonë.
Muzhaqi: Jo nuk është e vështirë. Kjo pyetje është ezauruar tashmë dhe do kaloj te pyetja tjetër. Ju nuk po më lini të përgjigjem. Shifrën sapo ua dhashë.
Duma: Nuk e dhatë shifrën.
Muzhaqi: Mund të hapni INSTAT-in dhe ta shihni.
Duma: Jo nuk e kemi INSTAT. Problemi kryesor është që rinia ikën nga vendi dhe nuk bëhet një krahasim mes 2022 dhe 2021.
Metaj: Ju po flisni pa etikë (I drejtohet Dumës).
Duma: Mbylleni komisionin.
Vokshi: Ministra nuk mund të vijë dhe të përgjigjet ashtu.
View this post on Instagram
