VIDEO/ Rrjeti Europian i Studentëve mesazh të rinjve shqiptarë: Qëndroni të fortë, ne jemi me ju

Anëtarë të kësaj organizate, përmes një video-mesazhi të publikuar në rrjetet sociale, kanë shprehur mbështetjen e tyre për bashkëmoshatarët në Shqipëri, duke u kërkuar atyre të jenë nesër në protestë pasi Europa, sipas tyre, ka nevojë për një Shqipëri të besueshme, pro evropiane, demokratike dhe transparente.

“Ju lutem bëhuni më të fortë. Na duhet një partner i besueshëm, pro evropian dhe demokratik. Qëndroni të fortë. Ne jemi me ju”, thuhet ndër të tjera në mesazhin e të rinjve evropianë.

Ky grupim mbështeti gjatë muajit dhjetor edhe protestën e studentëve shqiptarë.