VIDEO/ Të miturit dhe gratë e dënuara përgatisin zahiretë e dimrit, Manja: Parandalim dhe jo dënim

Të miturit që vuajnë dënimin e tyre në institucionin e vuajtjes së dënimit në Kavajë, por edhe gra të dënuara, morën pjesë këtë të hënë në një aktivitet për përgatitjen e zahireve të dimrit. Ministri i Drejtësisë Ulsi Manja, duke ndarë pamje nga aktiviteti i zhvilluar thekson se ishte një ditë e mrekullueshme edhe për sa i takon reflektimit.

“Një aktivitet i përbashkët i organizuar nga Marinela dhe Lindjana në Institutin e të Miturve në Kavajë, ku gratë dhe të miturit e dënuar punuan së bashku për të përgatitur zahiretë e dimrit nga perimet e kultivuara nga vetë të dënuarit e mitur”, shkruan Manja.

“Ishte një ditë e mrekullueshme që na bëri të reflektojmë të gjithëve se rruga më e mirë është parandalimi dhe jo dënimi penal. Falenderoj Marinelën dhe Lindjanën për angazhimin e tyre të palodhur”, përfundon Manja.

Në videon e publikuar vetë të dënuarit u shprehën se kanë ndjerë aromë shtëpie. “Sot mësova diçka të re, ndjeva aromë shtëpie”, tha një për djemve që mori pjesë në aktivitet.

“Dikur këtë aktivitet e bëja çdo verë për familjen time. Sot unë ndihem si në shtëpinë tonë”, tha një prej vajzave në aktivitet. “Bashkimi bënë fuqinë”, vijuan ato.