VIDEO/ Zbardhen pamjet, ja si u arrestua autori i vrasjes në Dibër

Policia ka zbardhur pamjet e arrestimit të autorit të vrasjes së Elsi Kosiqit në Dibër. Vrasësi quhet Mahmut Gega.

Vrasja e Kosiqit, 32 vjeç, ndodhi gjatë orëve të mëngjesit të datës 20.03.2018 në Maqellarë, në oborrin e shtëpisë së tij.

Pas një pune intensive nga Strukturat e Drejtorisë Vendore të Policisë Dibër, në bashkëpunim me Prokurorinë e Rrethit Gjyqësor Dibër, u bë arrestimi në flagrancë i autorit të dyshuar të vrasjes,  Mahmut Gegës, banues në Shupenzë.

Paraprakisht dyshohet se shkaku është për konflikte për motive të dobëta. Për shkak të hetimeve nuk bëjmë me dije të dhëna të tjera dhe rrethana të ngjarjes.