Vidhnin energjinë elektrike për serën me kanabis, dënohen dy shqiptarët

Autoritetet britanike kanë dënuar dy shtetas shqiptarë për kultivikm kanabisi. Në pranga kanë rënë 29-vjeçari Esmerald Jahelezi dhe 31-vjeçari Andrilon Mehmetaj.

Më 11 janar policia zbuloi serën me kanabis në zonën e quajtur Swavesey, e cila i përkiste shqiptarëve.

Jahelezin gjykata e dënoi me dy vite burg, ndërsa Mehmetaj me 12 muaj. Të dy shqiptarët do të dëbohen nga Britania e Madhe sapo të mbarojnë dënimin.

Pavarësisht dënimit të shqiptarëve, autoritetet dyshojnë se në këtë aktivitet janë përfshirë edhe persona të tjerë.

Sipas prokurorit të çështjes, në serë u zbuluan 443 bimë kanabis, me vlerë 177 mijë paund. Mësohet se energjinë elektrike shqiptarët e vidhnin nga rrjeti.